Webversjon      Videresend   

8. september er det stortingsval og alle norske statsborgarar som fyller 18 år i løpet av 2025, har stemmerett. Kommunal- og distriktsdepartementet har utarbeidd ein rettleiar for universell utforming av lokale og utstyr for val, og Valdirektoratet har følgt opp med sjekklister for universell utforming.

Standard Norge har utarbeidd forslag til ein standard for korleis ein skal utforme ladestasjonar slik at flest mogeleg kan bruke dei. Det er stadig fleire elektriske køyretøy på norske vegar, og det er behov for at stasjonane blir tilpassa òg for dei med nedsett funksjonsevne. Standarden foreslår ei rekke krav som skal vera følgde for at den skal kunne skilte med likestilt bruk i medhald av  den foreslegne standarden.  Frist for å svare på høyringa er 28. august. Standarden er frivillig å følgje,  i motsetnad til krav om universell utforming for lade-infrastruktur som følgjer av ulike forskrifter for mellom anna for byggverk, parkering og digitale løysingar.

Pensjonistforbundet har utvikla ein rettleiar for korleis ein kan leggje til rette for gode og trygge nærmiljø. Rettleiaren inneheld ei rekkje spørsmål som både kan svarast på og nyttast som utgangspunkt for diskusjon og vidareutvikling av nærmiljøet. Målet er at flest mogleg skal kunne bu heime lengst mogleg og oppleve at nærområdet er tilrettelagt for alle – uavhengig av alder og føresetnader.

Pensjonistforbundet deler òg ut midlar til frivillige organisasjonar som ønskjer å setje opp ein ekstra benk i sitt nærmiljø. Benken skal bidra til ein pustepause og høve til kvile når ein er ute på daglege gjeremål. Det blir delt ut støtte til 60 benkar, og søknadsfristen er 31. august 2025. All informasjon finn du på Pensjonistforbundet sine nettsider.

Institutt for bygg- og miljøteknikk ved NTNU i Trondheim har lyst ut eit treårig ph.d.-stipendiat. Stillinga er knytt til eit forskingsprosjekt  knytt til planlegging, vedlikehald og drift av universelt utforma løysingar for alle fotgjengarar, samt korleis ulike brukargrupper opplever og brukar løysningane. For å søke må du ha mastergrad eller tilsvarande innan ingeniørfag, arkitektur eller andre relevante fagområde. Masterstudentar kan òg søke, men mastergraden må vere oppnådd og dokumentert innan ein startar i stillinga. Frist for å søke er 24. august 2025. All informasjon om stillinga og krav til søknaden finn du på JobbNorge.

Arendalsuka er en årlig demokratifestival som samler politikere, organisasjonsliv, offentlig sektor, næringsliv og publikum for å diskutere aktuelle samfunnsspørsmål.

Se programmet her.

Barne-, ungdoms- og familiedirektoratet
Postboks 2233, 3103 Tønsberg 
Besøksadresse: Fredrik Selmers vei 3, Oslo
Meld meg av nyhetsbrevet