Hva som skjer innen universell utforming i Norge
Den norske turistforening (DNT) har i fleire år arbeidd aktivt for at fleire kan ta del i aktivitetane til foreininga.
Kartlegging av hytter, informasjon om tilgjenge både på hytter og ruter, i tillegg til tilpassa aktivitetar, er nokre av tiltaka. På nettstaden ut.no kan ein søke opp informasjon mellom anna om høgd på tersklar, dørbreidd og HC-rom på ei rekke hytter. |
|
|
Nye, universelt utforma turstiar i Bodø og Tylldal |
| |
|
Fleire stader i landet blir det lagt til rette for at så mange som mogeleg skal kunne ta turar i naturen i nærområdet. Nyleg opna to nye universelt utforma turvegar. I Bodø opna Kyststien 14. september. Den nye turvegen på 6,5 kilometer går frå Bodøsjøen friluftsområde ved Jektefartmuseeet til Mørkvedbukta. Strekningen har utsiktspunkt, rasteplassar og benkar til å kvile seg på undervegs. Det er fleire toalett, HC- og sykkelparkering i tilknyting til turstien. Meir om Kyststien i Bodø.
I Tylldal i Tynset kommune blei det i byrjinga av oktober opna ein universelt utforma tursti til Hemrabben der det òg er sett opp ein gapahuk som alle kan bruke. Stien har vore planlagt lenge, og er no testa både med rullator og rullestol i følge eit oppslag i Arbeidets Rett. |
|
|
I dei siste tre åra har Sunnaasstiftinga arbeidd med prosjektet Adapt2Explore, som er eit initiativ for å fremje inkluderande reise- og opplevingsliv i Nord-Noreg. Målet har vore å skape eit tilgjengeleg og inkluderande reiseliv for alle, uavhengig av funksjonsevne.
På tre ulike destinasjonar i nord har dei reist ut med personar med ulik funksjonsvariasjon knytt til ryggmarg- og hovudskadar og testa ulike aktivitetar. Saman med arrangør har dei funne mogelegheiter for tilpassing for gruppa. Det har vore surfing og snorkling i Lofoten, snøscooterkøyring på Finnmarksvidda og kajakkpadling i Tromsø. No vil gjerne stiftinga vidareføre erfaringane frå nord til heile landet. Stiftinga kan dele sine erfaringar med reiselivsarrangørar og bruke erfaringskunnskap frå campar med reisevande personar med ei funksjonsnedsetting. Sjå presentasjon på Sunnaasstifitinga sin YouTube-kanal. Prosjektet har òg utarbeidd ein guide for meir inkluderande reiser og oppleving (PDF) i Noreg.
Sunnaasstiftinga er ein privat ideell stifting som arbeider for at menneske med nedsett funksjonsevne skal bli i stand til å meistre eigen livssituasjon, og å utvikle seg og leve gode og aktive liv. |
|
|
Rasteplass i spektakulær dal med universelt utforma tilkomst |
| |
|
I byrjinga av oktober opna Statens vegvesen ein rehabilitert rasteplass i Måbødalen nedanfor Vøringsfossen ved riksveg 7. Prosjektet er ein del av arbeidet med å ruste opp Nasjonal turistveg Hardangervidda. Til saman 18 vegstrekningar i landet er valt ut som nasjonale turistvegar og går gjennom landskap med unik naturkvalitet, langs kyst og fjordar, fjell eller fossar. Ved sidan av flott natur byr desse strekningane òg ofte på arkitektonisk flotte utsiktspunkt og rasteplassar. Rasteplassen i Måbødalen er no oppgradert med benkar, vegetasjon og universelt utforma tilkomst. Målet har vore å skape ein open og vennleg stad som inviterer til ein pause i den storslegne naturen.
|
|
|
Barne-, ungdoms- og familiedirektoratet
Postboks 2233, 3103 Tønsberg
Besøksadresse: Fredrik Selmers vei 3, Oslo
Meld meg av nyhetsbrevet |
|
|
|
