Webversjon      Videresend   

Årleg deler Regjeringa, gjennom Bufdir, ut tilskot til prosjekt for kunnskapsutvikling, kompetanseheving og informasjon innan universell utforming. Tildelinga for 2025 er no gjennomført. Dei 34 prosjekta som fekk tilskot, omhandla mellom mykje testing av nettsider, friluftsliv og reise. Fleire prosjekt prøver ut bruk av kunstig intelligens.

Ein blind mann skulle få seg ID-kort og hadde tinga time på passkontoret i Bergen. Då han kom fram til lokalet, var det ingen til stades som kunne hjelpe. Han bad om hjelp ut i lokalet og ein annan som var på venterommet rettleidde han til ein berøringsskjerm der han fekk tasta inn telefonnummeret sitt, og han fekk ut ein kølapp med nummer som han måtte få lese opp av den andre. Det plinga stadig fram nye nummer og kva for luke som betente det aktuelle nummeret, men mannenutan syn måtte på nytt be om hjelp ut i venterommet. Dette tykte han var for ille og klaga løysinga inn til Diskrimineringsnemnda for mangelfull universell utforming. No har nemnda handsama saka og kome fram til at automatane bryt med kravet om universell utforming. Dei har gjeve Politidirektoratet pålegg om retting og meiner at å tilby ei universelt utforma løysing ikkje vil innebere ennuforholdsmessig stor byrde for Politidirektoratet.

Norsk folkemuseum på Bygdøy i Oslo fekk sølv i den internasjonale kåringa International Design Award for inkluderande kultur i 2024. Det er organisasjonen  International Association for Universal Design (IAUD) som står bak prisen som er ei årleg hending. Folkemuseet fekk prisen for utstillinga TIDSROM 1600 – 1914 som viser  norsk borgarskaps- og embetsmannskultur gjennom daglegliv og fest. Med over 1500 gjenstandar og seks autentiske interiør er utstillinga den største innandørs utstillinga i museet si historie.

Utstillinga har fått trinnfri inngang, både heis og trapp for likeverdig tilgang. Den har òg fått taktil merking, godefargekontrastar og bedra belysning slik at det skal vere lett å orientere seg. Om prosjektet uttala juryen at involvering av brukarar med nedsett funksjonsevne frå byrjinga, var ein nøkkelfaktor for suksess. Museumsappen, med digitalt utstillingsinnhald i form av tekst og lyd, gjer den historiske utstillinga til ei inkluderande, engasjerande og tilgjengelegoppleving for alle, både under og etter besøket, heiter det i grunngjevinga frå juryen.

I februar lyste Nav ut ei nyoppretta stilling som direktør for brukaropplevingar. Utlysinga fekk merksemd i media. Raudtpolitikar Mímir Kristjánsson meinte at det var ei heilt absurd løn og at folk treng ei trygd dei kan leve av og ikkje «ein svindyr direktør som har erfaring med å leie andre». Fleire hengde seg på kritikken av leiarlønningane i etaten.Færre tok opp kvifor det er viktig med gode brukaropplevingar i møtet med Nav. Det fekk ein av dei tilsette i den nye avdelinga som sjølv er synshemma, til å sette seg ved tastaturet. I eit innlegg i digi.no skriv IT-utviklar Morten Tollefsen at dei fleste i landet kjem i kontakt med Nav og at dei difor har ei brukaroppleving, at Nav skal vere der både for «politikarar som får ei langtidssjukemelding, for ikkje-digitale brukarar, for menneske med nedsettfunksjonsevne og så videre. Det betyr at Nav må lage universelt utforma tenester, og det betyr ikkje kunn digitale tenester.» skriv han. Vidare skriv han at Nav skal vere ein foregangsinstitusjon slik at det blir så enkelt som mogeleg for alle å vere brukar av Nav.

27.mars lanserer Norske arkitekters landsforbund håndboka «Alle barn i alle rom: Skoleanlegg som inkluderende arkitektur – et pilotprosjekt i tre kommuner». Prosjektet er finansiert av Bufdir og Sparebankstiftelsen. I denne lanseringen presenterer NAL pilotprosjekter fra skoleanlegg i tre kommuner – Larvik, Nesodden og Gran. Kommunene har gjennomført tre unike prosjekter om universell utforming av skolebygg, og hvordan universelt utformede skoleanlegg i større grad kan bli brukt utover skoletida. Samlingen er åpen for alle interesserte, og det er gratis å delta. Lanseringen holdes på Sentralen i Øvre Slottsgate 3 i Oslo, men det er også mulig å følge med på en nettsending av arrangementet. Påmeldingsfrist er 25.mars.

Meld deg på her.

21.03 Free Friday Webinar: Expertise based on personal experience, digitalt

27.03 Velkommen til lanseringen av håndboken "Alle barn i alle rom", Oslo

Diverse opptak fra konferanser og webinarer om universell utforming:
- UD2024 - opptak fra plenum og parallellsesjoner i rom 1
- Bufdirs YouTube-kanal om universell utforming, inkl. opptak av webinar fra UnIKT
- Bufdirs ressursside om CRPD
- Tilsynet for universell utforming av ikt sin YouTube-kanal
- Opptak fra Mangfold i mai
- uu-tilsynet på Arendalsuka

Barne-, ungdoms- og familiedirektoratet
Postboks 2233, 3103 Tønsberg 
Besøksadresse: Fredrik Selmers vei 3, Oslo
Meld meg av nyhetsbrevet